✳️ 01 कोरोना वर मात
✳️ 05 नवीन पॉजिटिव
✳️ 01 बाधितन्चा कोरोना ने मृत्यु
#Loktantrakiawaaz
#Chandrapur-Corona-News
चंद्रपूर दि.12 नोव्हेंबर : गत 24 तासात जिल्ह्यात एकाने कोरोनावर मात केल्याने त्यांना रुग्णालयातून सुटी देण्यात आली. तसेच 5 जण नव्याने बाधित आले आहेत. शुक्रवारी जिल्ह्यात एका बाधिताचा मृत्यू झाला आहे.
आरोग्य विभागाकडून प्राप्त अहवालानुसार, बाधित आलेल्या रुग्णांमध्ये चंद्रपूर महानगरपालिका क्षेत्रात 5 रुग्ण आढळले असून चंद्रपूर, बल्लारपूर, भद्रावती, ब्रम्हपुरी, नागभीड, सिंदेवाही, मुल, सावली, पोंभूर्णा, गोंडपिपरी, राजूरा, चिमूर, वरोरा, कोरपना, जिवती व इतर ठिकाणी बाधित रुगांची संख्या शून्य आहे. आज मृत झालेल्या मध्ये मुल तालुक्यातील एका पुरुषाचा समावेश आहे.
चंद्रपुर जिल्ह्यात आतापर्यंत एकूण बाधितांची संख्या 88 हजार 831 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 87 हजार 270 झाली आहे. सध्या 18 बाधितांवर उपचार सुरू आहेत. आतापर्यंत 7 लाख 43 हजार 625 नमुन्यांची तपासणी करण्यात आली असून त्यापैकी 6 लाख 53 हजार 557 नमुने निगेटीव्ह आले आहेत. जिल्ह्यात आतापर्यंत 1543 बाधितांचे मृत्यू झाले आहे.
प्रशासनाचे आवाहन : नागरिकांनी कोरोना पुर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षीत अंतर राखणे या त्रीसुत्रीचा नियमित वापर करावा, स्वत:ची काळजी घ्यावी तसेच पात्र सर्व नागरिकांनी जवळच्या केंद्रावरून कोरोनाची लस घ्यावी, व प्रशासनाने दिलेल्या सूचनांचे पालन करावे, असे आवाहन जिल्हाधिकारी अजय गुल्हाने यांनी केले आहे.
