25 पॉझिटिव्ह ; एक मृत्यू
आतापर्यंत 22,437 जणांची कोरोनावर मात
ॲक्टीव पॉझिटिव्ह 161
चंद्रपूर, दि. 25 : जिल्ह्यात मागील 24 तासात 27 जणांनी कोरोनावर मात केल्याने त्यांना रुग्णालयातून सुटी देण्यात आली आहे. तर 25 कोरोनाबाधीत रुग्णांची नव्याने भर पडली आहे.
जिल्ह्यात आतापर्यंत एकूण बाधितांची संख्या 22 हजार 984 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 22 हजार 437 झाली आहे. सध्या 161 बाधितांवर उपचार सुरू आहे. जिल्ह्यात आतापर्यंत एक लाख 95 हजार 875 नमुन्यांची तपासणी करण्यात आली असून त्यापैकी एक लाख 70 हजार 227 नमुने निगेटीव्ह आले आहेत.
जिल्ह्यात आतापर्यंत 386 बाधितांचे मृत्यू झाले असून यापैकी चंद्रपूर जिल्ह्यातील 349, तेलंगणा एक, बुलडाणा एक, गडचिरोली 19, यवतमाळ 14, भंडारा एक आणि वर्धा येथील एका बाधिताचा समावेश आहे.
आज बाधीत आलेल्या 25 रुग्णांमध्ये चंद्रपूर महानगर पालीका क्षेत्रातील नऊ, बल्लारपुर दोन, भद्रावती दोन, ब्रम्हपुरी तीन, नागभीड दोन, सिंदेवाही एक, वरोरा तीन, कोरपना येथील तीन रुग्णांचा समावेश आहे.
कोरोना आजार अद्याप गेलेला नाही, कोरोनाचे रूग्ण कमी-अधिक प्रमाणात बहुतांश तालुक्यातुन अद्यापही आढळून येत आहेत. तरी नागरिकांनी स्वत:च्या आरोग्याबाबत जागरूक राहावे, बाहेर निघतांना नियमितपणे मास्कचा वापर करावा, वेळोवेळी हात स्वच्छ करावे तसेच प्रशासनाने घालून दिलेल्या नियमांचे पालन करावे, असे आवाहन जिल्हाधिकारी अजय गुल्हाने यांनी केले आहे.
