कॅम्पमधील फॅशन स्ट्रीट मार्केटमध्ये भीषण आग
पुणे , 27 मार्च : अवघ्या आठवड्यापूर्वीच पुण्याच्या शिवाजी मार्केटमध्ये आग लागली होती. त्यानंतर पुन्हा पुण्याच्या कॅम्प परिसरामध्ये फॅशन स्ट्रीट मार्केटमध्ये भीषण आग लागली आहे.
शुक्रवारी मध्यरात्री ही आग लागली असून आगीचं कारण अद्याप अस्पष्ट आहे. फॅशन स्ट्रीट भागामध्ये मोठ्या प्रमाणावर कापडाची दुकानं आणि गोदामं असल्यामुळे आग अधिकच पसरण्याची गंभीर भिती व्यक्त केली जात आहे.
आग विझवण्यासाठी ११ अग्निशमनच्या गाड्या घटनास्थळी रवाना झाल्या आहेत. या आगीमुळे आसपासच्या अनेक भागांमध्ये वीज गेल्याचीही माहिती मिळत आहे.
