🔶 एकाच कालावधीत दोन पदव्युत्तर पदव्या, दोन पदविका अन् तीन प्रमाणपत्रे!
🔶 ‘India Book of Records’मध्ये नोंदीसाठी प्रक्रिया सुरू
#Loktantra Ki Awaaz
गोत्रा (ता. लोणार, जि. बुलढाणा) : शिक्षणाची जिद्द, अभ्यासातील सातत्य आणि वेळेचे काटेकोर नियोजन यांच्या जोरावर लोणार तालुक्यातील गोत्रा गावचे भूमिपुत्र अमोल सखाराम आंधळे यांनी उल्लेखनीय शैक्षणिक कामगिरी नोंदविली आहे. सन 2024 ते 2026 या कालावधीत त्यांनी एकाचवेळी तब्बल दोन पदव्युत्तर पदव्या, दोन पदविका आणि तीन प्रमाणपत्र अभ्यासक्रम यशस्वीरित्या पूर्ण केले आहेत. त्यांच्या या उल्लेखनीय शैक्षणिक प्रवासाची ‘India Book of Records’मध्ये नोंद व्हावी, यासाठी अर्ज व शिफारस प्रक्रिया सुरू करण्यात आली आहे.
सावित्रीबाई फुले पुणे विद्यापीठातून एम.कॉम. (बिझनेस अॅडमिनिस्ट्रेशन) तसेच यशवंतराव चव्हाण महाराष्ट्र मुक्त विद्यापीठातून एम.बी.ए. या दोन पदव्युत्तर पदव्या त्यांनी पूर्ण केल्या आहेत. यासोबतच YCMOU मधून डिप्लोमा इन स्कूल मॅनेजमेंट आणि डिप्लोमा इन मास मीडिया कम्युनिकेशन अँड जर्नालिझम या दोन पदविका, तसेच SWAYAM-NPTEL/IIM संबंधित बिझनेस मॅनेजमेंट विषयातील तीन प्रमाणपत्र अभ्यासक्रमही त्यांनी पूर्ण केले आहेत.
विविध अभ्यासक्रमांच्या परीक्षा, असाइनमेंट्स, प्रकल्प आणि दैनंदिन जबाबदाऱ्या यांचा समतोल साधत ही कामगिरी करणे निश्चितच आव्हानात्मक होते. मात्र, अमोल आंधळे यांनी काटेकोर वेळापत्रक, नियमित अभ्यास आणि सातत्यपूर्ण मेहनतीच्या जोरावर हे शैक्षणिक लक्ष्य साध्य केले.
उच्च शिक्षणाची वाटचाल कायम ठेवत त्यांनी UGC-NET (2026) परीक्षेतही सहभाग नोंदविला आहे. शिक्षणाच्या विविध क्षेत्रांमध्ये ज्ञान मिळविण्याची त्यांची जिज्ञासा आणि विद्यार्थ्यांना मार्गदर्शन करण्याची धडपड विशेष उल्लेखनीय ठरत आहे.
👉🏻 ‘India Book of Records’साठी कागदपत्रांची पडताळणी प्रक्रिया
अमोल आंधळे यांच्या या शैक्षणिक कामगिरीची ‘India Book of Records’मध्ये नोंद व्हावी यासाठी आवश्यक कागदपत्रे, गुणपत्रिका, पदवी-पदविका प्रमाणपत्रे व इतर पुरावे संकलित करून अर्ज व शिफारस प्रक्रिया सुरू करण्यात आली आहे. तथापि, अंतिम नोंद संबंधित संस्थेच्या पडताळणी व निर्धारित निकषांनुसार होणार आहे.
👉🏻 ‘परीक्षित अभ्यास’च्या माध्यमातून विद्यार्थ्यांना मार्गदर्शन
अमोल आंधळे हे ‘परीक्षित अभ्यास’ या शैक्षणिक डिजिटल उपक्रमाच्या माध्यमातून महाराष्ट्रातील विद्यार्थ्यांना उच्च शिक्षण, विद्यापीठीन परीक्षा, शिष्यवृत्ती, स्पर्धा परीक्षा आणि विविध शैक्षणिक संधींबाबत मार्गदर्शन करीत आहेत. डिजिटल माध्यमातून विद्यार्थ्यांपर्यंत विश्वासार्ह आणि उपयुक्त शैक्षणिक माहिती पोहोचविण्याचे त्यांचे कार्य सुरू आहे.
👉🏻 “माझ्या प्रवासातून विद्यार्थ्यांना प्रेरणा मिळावी”
आपल्या शैक्षणिक प्रवासाबद्दल बोलताना अमोल आंधळे म्हणाले,
“योग्य नियोजन, सातत्यपूर्ण अभ्यास आणि स्वतःवर विश्वास असेल तर एकाच वेळी अनेक शैक्षणिक उद्दिष्टे साध्य करणे शक्य आहे. माझ्या या प्रवासातून अधिकाधिक विद्यार्थ्यांना उच्च शिक्षण घेण्याची प्रेरणा मिळावी, हीच अपेक्षा आहे.” असे अमोल आंधळे यांनी सांगितले.
👉🏻 अमोल आंधळेवर अभिनंदनाचा वर्षाव
लोणारच्या भूमिपुत्राने मिळविलेल्या या उल्लेखनीय शैक्षणिक यशाबद्दल कुटुंबीय, शिक्षक, मित्रपरिवार आणि विविध क्षेत्रातील मान्यवरांकडून त्यांच्यावर अभिनंदनाचा वर्षाव होत आहे. जिद्द, मेहनत आणि नियोजनाच्या बळावर शैक्षणिक क्षेत्रात वेगळी ओळख निर्माण करणाऱ्या अमोल आंधळे यांचा प्रवास निश्चितच विद्यार्थ्यांसाठी प्रेरणादायी ठरत आहे.
“शिक्षणाची भूक मोठी असेल, तर संधींची दारे आपोआप उघडतात!” — अमोल आंधळे यांच्या शैक्षणिक भरारीने हीच बाब अधोरेखित केली आहे.
Lonar's native Amol Andhale's academic success, two postgraduate degrees, two diplomas and three certificates in a single period!, process underway for entry in 'India Book of Records'
#Lonar'sNativeAmolAndhale'sacademicsuccess
#twopostgraduatedegrees
#twodiplomasandthreecertificatesin asingleperiod
#processunderwayforentryinIndiaBookofRecords
#Lonar
#AmolAndhale
#SPPUPune
#YcmouNashik
#IndianBooksOfRecords
https://aurenceperfumes.in
