#Loktantra Ki Awaaz
समुद्रपुर, 12 सप्टेम्बर : समूद्रपूरमधील कथित अतिक्रमणाच्या प्रकरणात एकाच कुटुंबाला वारंवार लक्ष्य करून बातम्या व तक्रारी करण्यात येत असल्याने आता या संपूर्ण प्रकरणाच्या मागील हेतूची निष्पक्ष चौकशी होणे गरजेचे आहे.
सदर कुटुंबाचे म्हणणे आहे की, त्यांनी कोणतेही बेकायदेशीर बांधकाम केलेले नाही. संबंधित मालमत्ता अनेक दशकांपासून त्यांच्या ताब्यात असून त्यांच्या मालकीचे व बांधकामासंबंधी आवश्यक कागदपत्रे प्रशासनाकडे सादर करण्यात आली आहेत.
महत्त्वाचा प्रश्न असा आहे की, ज्या रस्त्याच्या अस्तित्वाचा दावा करून ही तक्रार करण्यात आली आहे, तो रस्ता अधिकृत शासकीय नकाशे व भूमिअभिलेखाच्या नोंदींमध्ये प्रत्यक्षात कुठे आहे? तक्रारीसाठी आधार घेतलेला नकाशा हा अधिकृत शासकीय नकाशा नसून खाजगी वास्तुविशारदाचा नकाशा असल्याचा दावा कुटुंबाकडून करण्यात येत आहे. या नकाशातील विसंगतींचीही निष्पक्ष पडताळणी होणे आवश्यक आहे.
त्याहून गंभीर प्रश्न म्हणजे — जर समूद्रपूरमध्ये अतिक्रमण व अनधिकृत बांधकामांचा प्रश्न असेल, तर चौकशी केवळ एका कुटुंबापुरतीच का मर्यादित आहे? संपूर्ण परिसरातील बांधकामे, शासकीय जागा, रस्ते, नकाशे आणि प्रत्यक्ष ताबे यांची एकत्रित व समान निकषांवर मोजणी (Mojni) का केली जात नाही?
तक्रारदारांपैकी काही व्यक्तींनी त्यांच्या स्वाक्षरीबाबत गैरसमज किंवा चुकीची माहिती दिल्याचे लेखी स्वरूपात सांगितल्याचा कुटुंबाचा दावा आहे. अशा परिस्थितीत मूळ तक्रारीची सत्यता आणि तक्रारदारांची वास्तविक भूमिका तपासल्याशिवाय एका कुटुंबाला सार्वजनिकरित्या लक्ष्य करणे कितपत योग्य आहे?
तसेच, तक्रारदार किंवा संबंधित व्यक्ती शासकीय सेवेत असल्यास त्यांच्या स्वतःच्या मालमत्ता व बांधकामांचीही त्याच निकषांवर तपासणी होणार का? कायदा सर्वांसाठी समान असेल, तर ही तपासणी संपूर्ण समुद्रपुर शहरासाठी का होऊ नये?
👉🏻 आता प्रशासन आणि माध्यमांसमोर थेट प्रश्न
एका कुटुंबावरच वारंवार लक्ष केंद्रित करण्यामागे नेमका हेतू काय?
अधिकृत शासकीय नकाशांऐवजी खाजगी नकाशावर भर का?
संपूर्ण लेआउटची मोजणी न करता केवळ एका घराचीच चौकशी का?
संपूर्ण समूद्रपूरमधील कथित अनधिकृत बांधकामांची समान पद्धतीने तपासणी करण्याची प्रशासनाची तयारी आहे का?
आणि सर्वात महत्त्वाचे — या कुटुंबाला सतत लक्ष्य करून निर्माण करण्यात येणाऱ्या दबावामागील वास्तविक कारण काय आहे?
प्रशासनाने कोणाच्याही दबावाला बळी न पडता अधिकृत नकाशे, भूमिअभिलेख, मालकी कागदपत्रे आणि प्रत्यक्ष स्थळस्थिती यांच्या आधारे संपूर्ण प्रकरणाची निष्पक्ष चौकशी करावी. अन्यथा “एकाच कुटुंबाला लक्ष्य करून कारवाई” असा प्रश्न निर्माण होणे स्वाभाविक आहे.
ही केवळ एका घराची बाब नसून — समूद्रपूरमध्ये नियम सर्वांसाठी समान आहेत का, हा आता संपूर्ण समुद्रपुर शहरासमोरचा प्रश्न आहे.
Why target a single family? When will there be a fair investigation into the construction projects in the entire Samudrapur?
#Samudrapur
#Whytargetasinglefamily?
#WhenwilltherebeafairinvestigationintotheconstructionprojectsintheentireSamudrapur?
