सविस्तर वृत्त असे की, चक घोसरी येथील श्री. दामोदर येल्ला चिमलवार यांच्या सर्वे नं.123/1 या जमीनीच्या सातबारावर खोडतोड करून गाव चक घोसरीच्या ऐवजी थेरगाव तसेच तालुका मुल च्या ऐवजी पोंभुर्णा केले व दामोदर येल्ला चिमलवार यांच्या सोबत लिलाबाई विलास कावटवार व आशिष विलास कावटवार असे खोटे नाव संगणकादवारे केले आणि तो खोटा सातबारा खरं आहे म्हणुन दि. 4/2/2020 रोजी विशेष कार्यकारी दंडाधिकारी यांच्या समक्ष शपथपत्र केले आणि खोटया दस्ताऐवजांच्या आधारे प्रशासक पद ग्रहण करण्याकरीता खरे दस्ताऐवज म्हणुन उपयोग केले. तसेच अतिक अहेमद कुरेशी हे जनता विदयालय, पोंभुर्णा येथे शिक्षक म्हणुन नोकरी तसेच नगरपंचायत पोंभुर्णा येथे नगरसेवक या पदावर असताना सुध्दा फक्त शेती व्यवसाय करतो म्हणुन खोटे शपथपत्र सादर केले. त्यामुळे कृषी उत्पन्न बाजार समिती व शासनासोबत धोकाधडी व फसवेगीरी केली आणि जो कोणी खरा उमेदवार होता त्याला त्याच्या लाभापासुन वंचीत ठेवले. स्वतःच्या अवैध फायदया करीता खोटे दस्ताऐवज तयार करून खरे आहे म्हणुन उपयोग केला म्हणुन गैरअर्जदारावर फौजदारी कारवाई करण्यात यावी.
