64 नव्याने पॉझिटिव्ह ; दोन मृत्यू
आतापर्यंत 20,514 बाधित झाले बरे
उपचार घेत असलेले बाधित 766
चंद्रपूर, दि. 17 डिसेंबर : जिल्ह्यात मागील 24 तासात 66 जणांनी कोरोनावर मात केल्याने त्यांना रुग्णालयातून सुटी देण्यात आली आहे. तर 64 कोरोनाबाधीत रुग्णांची नव्याने भर पडली असून दोन कोरोनाबाधीताचा मृत्यू झाला आहे.
जिल्ह्यात आतापर्यंत एकूण बाधितांची संख्या 21 हजार 621 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 20 हजार 514 झाली आहे. सध्या 766 बाधितांवर उपचार सुरू आहे. जिल्ह्यात आतापर्यंत एक लाख 62 हजार 858 नमुन्यांची तपासणी करण्यात आली असून त्यापैकी एक लाख 39 हजार 121 नमुने निगेटीव्ह आले आहेत.
आज मृत झालेल्यांमध्ये राजुरा तालुक्यातील 80 वर्षीय महिला व 62 वर्षीय पुरूषाचा समावेश आहे. जिल्ह्यात आतापर्यंत 341 बाधितांचे मृत्यू झाले असून यापैकी चंद्रपूर जिल्ह्यातील 314, तेलंगणा एक, बुलडाणा एक, गडचिरोली 16, यवतमाळ सात, भंडारा एक आणि वर्धा येथील एका बाधिताचा समावेश आहे.
आज बाधीत आलेल्या 64 रुग्णांमध्ये चंद्रपूर महानगर पालीका क्षेत्रातील 28, चंद्रपूर तालुक्यातील सात, बल्लारपुर पाच, भद्रावती पाच, ब्रम्हपुरी एक, नागभीड एक, सिंदेवाही दोन, चिमुर एक, वरोरा पाच, कोरपना एक व इतर ठिकाणच्या चार रुग्णांचा समावेश आहे.
नागरिकांनी स्वत:च्या आरोग्याबाबत जागरूक राहावे, बाहेर निघतांना नियमितपणे मास्कचा वापर करावा, वेळोवेळी हात स्वच्छ करावे तसेच प्रशासनाने घालून दिलेल्या नियमांचे पालन करावे, असे आवाहन जिल्हाधिकारी अजय गुल्हाने यांनी केले आहे.
